أبحث عن حضن دافئ أسكن اليه
ولكن !
ما الفائدة إذا وجدته ؟
فأنا لا املك مهرهُ
وأين لي بمهرهُ ؟
وأنا لا احتكم على مصدرٍ له
وكيف احتكم على مصدرٍ له ؟
وأنا لا املك تصريحا له !
ومن أين لي بتصريحه ؟
وأنا لم انهي مدته
وكيف انهى مدته ؟
وأنا لم اكمل حتى شهرا في مدته
فالصبر والحلم حتى تنقضي
الشهور وتُملك التصاريح
وتفتح المصادر وتجمع المهور
ويبدأ البحث عن حضن دافئ اسكن اليه
والمعنى في بطن الكاتب !!!
هييييييييييييييه
ردحذفأول تعليق
بمجهودي الشخصي
السلام عليكم
ردحذف- - - - - - -
ربنا يقربلك البعيد يا أحمد
ويهون عليك الوقت
المهم انك مش تيأس
ومانيل المطالب بالتمني
آه نسيت حاجه
ردحذفوكيف انهى مدته ؟
وأنا لم اكمل حتى شهرا في مدته
شهر ايه؟
ليكون الحضن الدافئ الي تقصده هو الجيش !!!!!!
مبروك عليكي اول تعليق
ردحذفهييجي عليكي اليوم وانتى قاعده مع ولادك وتشاوريلهم على التلفزيون وتقولي احمد ده
انا كنت بعلق على تدويناته وولادك يبصولك بصة ( الولية كبرت وخرفت ) مش هيصدقوا ساعتها
هههههههههههههههه
امين .. يسمع من بوئك ربنا
وكل سنه وانتى طيبة
أزال المؤلف هذا التعليق.
ردحذفحمدالله على السلامه يا مصرى
ردحذفنورت البلد فاكر لما قولتلك كده هتسافر وهتسيب البلد اكيد هيحصل حاجه
وصدقت وحصل كل خير
وبعدين انا مش عارفه الناس الايام دى مستعجله ليه وعايزين كل حاجه بسرعه
ما تصبر يا عم على رزقك وحط شاى على لبن وضدوق طعم الزمن وهو ماشى ببطى كده اتفرج على الحاجات اللى بتتصور ببطى علشان تشوف اكتر وتفهم اكتر وتعرف اكتر
لكن لو مشيت بسرعه واتصورت بسرعه فى تفاصيل كتير هتقع منك فى النص يمكن تندم بعد كده وتقول ياريتنى كنت صبرت !!!
كل سنه وانت طيب وجميع الاهل طيبين وبخير
وعيد سعيد علينا كلنا
والسلام ختام
زهرة بلدنا الماسية الله يسلمك
ردحذفولو كان في ايدي انى اقعد والحاجات اللى حصلت دي ما تحصلش كنت قعدت بس محدش بايده حاجه
ده حال مصر كلها بتتاخر بيهم وبينا
ههههه انا مش مستعجل ولا حاجه انا كربان
هههههههه عارفه كربان دي ولا نسيتيها
معلش الخاطرة دي كنت هكتبها حتى لو مش مستعجل بس اللى يجرب الميري يتمنى الملكي بعذابه يعني ممكن اكون مش بفكر في الموضوع ده وانا ملكي لكن في الميري هتبقى حاسس انك لما تخلص هتعمل حاجات كتير ...
قصة ان الواحد ما يستعجلش ويقعد ويشوف الدنيا من حواليه عشان يشوف ويفهم ويعرف اكتر فكرة جميلة ومتخيل انها حصلت مع الدكتور هيثم وعيد باشا وغيرهم من اللى صبروا وشافوا وداقوا من الصبر وعرفوا وفهموا وشافه كتير فعلا
وربنا يصبرنا
كل سنه وانتى طية وجميع الاهل بخير
وعيد سعيد علينا كلنا
سلام :-)
كل سنة وأنت بخير وسعادة
ردحذفبدأنا نكتب خواطر ..!!
الجيش شكله بدأ يشتغل معاك يا مصري ..
عارف .. أنا ذاكرت عروض وكتبت معظم القصائد اللي كتبتها في فترة الجيش ، فعلا المنحة من قلب المحنة ، وإن كان الجيش مش محنة ولا حاجه ، انت عارف وجهة نظري فيه كويس.
استمتع بحياتك صديقي وكن بخير.
كل عام وانت بخير مرة تانية.
خاطره لذيذه جدا يا احمد
ردحذفتسلم