هل سرق " بهجت قمر " beautiful mind ..?

اولا قبل ما تقرا انا هاتكلم عن ما يقال عن سرقة قصة فيلم beautiful mind وتقديمها كقصة فيلم اسف على الازعاج بتاع النجم الكبير احمد حلمي عشان كده لازم تكون شفت الفيلمين " اسف على الازعاج" و " beautiful mind " عشان تبقى فاهم انا بقول ايه ...

اولا فيلم اسف على الازعاج فيلم جامد جدا وانا شفته قبل ما اشوف الفيلم الاجنبي المهم ان احمد حلمي كان رائع في الدراما والتراجيدي .. المخرج كمان كانت ليه لمسات في الفيم وبينت قد ايه هو فاهم نوع الفيلم اللى بيخرجه .
كمان الفيلم كان جميل عشان الاستعانه بالمتخصصين سواء دكاترة نفسيين او غيرة ..

مشكلة فيلم اسف على الازعاج انه اتسوقله غلط من وجهة نظري فإعلان الفيلم بيقولك انه فيلم كوميدي من سلسلة افلام احمد حلمي الكوميدية اللى مش هاتخلص لكن لما تشوف الفيلم تتفاجأ انه تراجيدي او دراما بنسبة 900 " تسعمائه " الـ 100 ..
الكوميديا كانت حاضرة بنسبة بسيطة ...وده طبعا لان اللى صمم التريلار واللى اختار المشاهد لعب على نقطة كوميدية احمد حلمي ...

نخش بقى في موضوعنا الاساسي اللى هو هل القصة مسروقه من فيلم beautiful mind ؟
ايمن بهجت قمر مؤلف الفيلم لما اتوجهاه السؤال ده اقسم بانه ما شفش الفيلم الاجنبي لكنه قرر انه يشوفه بعد ما اتوجه له الاتهام ده على حد تعبيرة ...
انا برضه شفت الفيلم بعد ما سمعت تصريح ايمن بهجت قمر ده لكن بعد ما شفت الفيلم الاجنبي وركزت فيه وفي الباكجرواند بتاعتي فيلم اسف على الازعاج احب اقول انه لولا ايمن بهجت قمر اقسم وحلف واتقطع - بالمناسبة الحوار كان في برنمج 90 دقيقة اللى بيجي على المحور – انه ما شفش الفيلم
مضطر احترم ايمن بهجت قمر واصدقه لانه حلف ... لكن
لو حبيت اشك في كلامه هاقول انه اقتبس الفكرة من الفيلم الاجنبي والفكرة هنا مش المريض بالفصام لا طبعا
الفكرة هنا هي ما يتعرض له البطل في كلا الفيلمين مع الفارق بين البطلين والفارق بسبب الامكانيات ...
ازاي ؟
" راسل كرو " في الفيلم الاجنبي عالم رياضيات وطول الفيلم هتلاقي نظريات وشفرات وتركيبات معقده صعبة على ايمن بهجت وقمر وغيره من كتاب السيناريو المصريين اعادة صياغتها بالمصري حتى .. للاسف ..
بينما استعاض قمر عن وظيفة عالم الرياضيات في الفيلم العربي بوظيفة مهندس الطيران يعني حاجه من قبيل واقعنا المصري اننا ممكن نطلع مهندس طيران زكي او انه بالنسبه لينا هندسة الطيران شئ معقد وصعب لدرجة انه بيبقى عالم في مجاله بالنسبه لنا طبعا " المصريين بس " ...

((الكُره ))
البطلين في الفيلمين يشعرون بان كل الناس تكرههم ولذلك هما منطويين ولا يقيمون علاقات عادية مع الناس من حولهم ....

والخروج للمجتمع والاحتكاك به كان الحل في كلا الفيلمين ..

((المشروع ))
البطلين كان لهم مشروع سيغير من وضعهم ، احمد حلمي لديه مشروع لتوفير وقود الطائرات ...
اما راسل كرو استنتج نظريات اخذ عيلها جائزة نوبل ...

الشخصيا الخيالية ... كل ذلك
يجعلني بكل ثقة اشك في ان ايمن بهجت قمر اقتبس " اسف على الازعاج من " beautiful mind " ..

لكن اخيرا عايز اقول حاجه انا كده كده سعيد جدا بفيلم اسف على الازعاج ...
لانه بجد لو ايمن بهجت قمر صادق وانه من تاليفه تبقى حاجه كويسة قوي لان الفيلم جامد بجد ..
او لو كان اقتبسة من الفيلم الاجنبي فانا عايز اقول انه مكنش يقدر يقتبس اكتر من كده وانه قدمه في صورة جميلة قوي وخلاه مصري وفي نفس الوقت ما نقلش بالنص يعني اقتبس مش سرق ...

على العموم لو عايز ترجع بالذاكرة هتلاقي فيلم اسف على الازعاج على الرابط ده صورة جامده وصوت اجمد

http://forums.myegy.com/thread25552.html


والفيلم الاجنبي روابطه اهي DVD وحجمه 365 ميجا بس ومترجم كمان
rapidsharehttp://www.maxymam.com/1.php?link_id=12407http://www.maxymam.com/1.php?link_id=12408http://www.maxymam.com/1.php?link_id=12409


ويارب اكون وفقت في ايصال وجه نظري ليكم ...