ايطاليا 2009 كاس القارات ... كوت ديفوار 2008 كاس الامم
كنا لابسين ابيض يومها ... فاكرين
وكمان قلعنا لعيب ... اكيد فاكرين
دروجبا ويايا توريه اتعقدوا من الحضري ومن القائم والعارض وكل حاجه ... وكمان الطليان توني وبيبي ...
كنا خايفين من الفريقين موت ايطاليا وكوت ديفوار ...
لكن لقينا نفسنا بنلعب احلى كورة في تاريخنا ... اه والله في تاريخنا
زمان فرحنا لما صعدنا كاس عالم واتعادلنا مع هولندا واتغلبنا من ايطاليا واحد صفر بس ...
دلوقتي لا ... بنجيب 3 في البرازيل وبنفوز على ايطاليا واحد صفر بس هههههههه وبنرقص ونضرب قلل – خروم او كولونيا يعني – الف مبروك يا مصريين ...
وان شاء الله الفوز على امريكا عشان نصعد اول مجموعه ونهرب من مواجهة اسبانيا
عشان نبقى حاسبينها صح ...
لكن حتى لو قابلناها مش مشكلة ... حتى لو لا قدر الله عملنا ماتش وحش وخسرنا 18 صفر مش مشكلة
محدش كان متوقع – ولا احنا حتى – الاداء ده ...
مبروك يا ناس واحب الفت نظركم لحاجه
قوة ارادة الحضري ..!
الموسم الكروي عادة بيبدا في اغسطس وينتهي في مايو يعني من شهر في موسم كروي انتهى
والموسم اللى هيبدأ في اغسطس 2009 وينتهي في مايو 2009 الحضري هيتوقف فيه اول 4 اشهر
يعني من اغسطس -8- حتى ديسمبر -12- ورغم ذلك عنده قوة ارادة بيلعب كويس وظهر بافضل المستويات
في الوقت اللى مش هيقدر أي نادي يشتريه وطبعا اقصد نادي كبير لانه ما يقدرش يشتري لاعب يخزنه عنده
يعني ببساطه الحضري بيلعب لمصر يا ناس وتاريخه هو وتاريخ مصر
احنا هاجمنا الحضري كتير لكن خلاص هو غلط واخد جزاءه واتوقف
دلوقتي بقى لازم نحيي الحضري .... ارقص يا حضري
وشكرا لجماهير جنوب افريقيا اللى لسه مازالت بتشجعنا ياعالم
والمعلقين العرب اللى اخرهم امبارح المعلق اللى كان بيطلع في الروح من بعد ما الجون بتاعنا جه
ههههههههههههههههههههههههههه
وعصام الشوالى وفريق الـ A.R.T
شجع شجع ... مصر
مصر بتلعب مصر
وهييييييييييييييييييييييييييييييييا
بس خلاص ..!
ههههههههههههههههههههههههههههههههههه
ردحذفطبعا الفرحه باينه فى كل حته
اولا بالاداء اللى اكثر من رائع ثانيا الثقه بالنفس والايمان بالله كل شى جميل
اداء الحضرى وده كان اكتر شى مفرحنى انه رجعه لمستواه بعد ما خلانا نفقد الامل فى مطش الجزائر كان يسد يمين تدخل الكوره من الشمال بس الحمد لله على كل حال
بس دايا المصريين طموحهم قليل كله بيتكلم انه عايز يوصل لكاس العالم وكأنه اول ما هنوصل هيوقف اللعب لحد كده ويقول بس خلاص زى ما انت عملت
ليه ما نخليش حلمنا كبير شويه مش هكون طماعه لانى عارفه مستوى منتخبنا مقارنه بالمنتخابات الاخرى يعنى مش هشطح فى حلمى قوى واقول ناخد كاس العالم ولكن على الاقل نوصل للمربع الذهبى هههههههههه
بعد مطش امبارح قولت بالفم المليان
احنا مش هنروح كاس العالم هو اللى هيجلنا وفى تاكس كمان
مبروووووووووووك ليك يا صرى ولكل المصريين
والسلام ختام
على فكره انا نزلت بوست ياريت مش تبخل علينا برايك
ردحذفسلام
نزلتي بوست جديد
ردحذفيا قاسي يا راجوون ههههههههههههههه
حمدلله على السلامة وده اكتر خبر فرحني الايام دي
مبروك بجد عودة احد كتابنا الرائعين
ودي بركات منتخب مصر
أزال المؤلف هذا التعليق.
ردحذفسلام عليكم
ردحذفمبروك الفوز
انا اتفرجت على صدات الحضرى فى الجون
بجد كنت فرحانه قوى
رغم انى لا افهم اى حاجه فى الكوره بس ماكنتش مصدقه الحلاوه اللى فريقنا بيلعب بيها بعد ماتش الجزاير
الحمد لله وعقبال ماتش امريكا يا رب نغلبهم لانهم اصلا مابيعرفوش يلعبوا كوره ...هما شاطرين بس فى الراجبى بتاعهم
الف مبروك واشكرك على زيارتى... واتمنى دوام التواصل