ظهرت هذه الايام انفلونزا الخنازير او حمى الخنازير في المكسيك ويبدو انها اشرس من انفلونزا الطيور في سرعة القضاء على حياة الانسان الذي ابتلي بذلك المرض العنيف ...
عقدت جلسة خاصه لمجلس الشعب نوقش خلالها خطة الحكومة في مواجهة تلك المصيبة خاصه وان مزارع الخنازير محيطة بالقاهرة من كل جانب وظهرت ثلاث حالات في ميدان لبنان او بفرض انه لم تظهر حالات في مصر .. الا يجدر بنا ان نحتاط ونفعل الحكمة القائلة
الوقاية خير من العلاج ... وبالفعل صدر قرار جمهوري باعدام الخنازير .. ولكن ظهرت مشكلة التعويضات لاصحاب تلك التجارة - تجارة الخنازير -
والرجل العادي الذي يربي الخنازير في بيته .. والحكمة كانت من وراء هذا القرار حصر واحتواء المرض حيث ان لم ندفع تعويض لاصحاب تلك الخنازير
سيخفونها كما حدث في قصة انفلونزا الطيور .. ظهرت الاصوات التى تقول :
تعويض ايه ؟ الخنزير اساسا حرام ؟
يعني هما كانوا عملوا تعويضات ساعه الطيور ؟ ده اكيد ضغط على مصر عشان الخنازير دي بتاعة المسيحيين
ولكن بعيدا عن حرمانيته بالنسبة للمسلمين وحله بالنسبه لغير المسلمين كالاخوه المسيحين واليهود -ان وجدوا في مصر الان- الفكرة هنا هي تحفيز كل من يملك خنزير الى تقديمه للدولة لاعدامه حتى تكون مصر منطقة خاليه من المرض .. ظهرت تساؤلات جديدة
دلوقتي ما هو ممكن اي دكتور بيطري يظبط الورق ويقول فلان قدم عدد مش كام خنزير وعلى اثره يستحق تعويض مش عارف كام والدكتور هنياله بقى هيطلع من الليلة دي بمبلغ كويس ؟
وليه لأ ما هو فعلا يقدر يعمل كده سؤال تاني طرح نفسه وانا طرحته من زمان قوي يجي من 7 او 8 سنين
هو احنا عندنا فريق طبي سيبكم من فريق طبي عندنا سيستم قادر على احتواء المرض لو ظهر في منطقة معينه ؟
متهيالي لأ لاننا دخلنا مستشفيات كتير ولينا اصحاب كتير في كليات طب في مختلف نواحي الجمهورية والنظام الطبي في مصر تعبان على الاخر
اقربهالكم شوية .. انا السؤال ده سالته من 7 سنين ليه .. لاني اتفرجت على فيلم outbreak بتاع داستان هوفمان ومورجان فريمان ما علينا قصة الفيلم ده
ان في فيروس انتشر من خلال قرد افريقي والفيروس ده مكنشي ليه علاج لان القرد - العائل - مكنوش لاقينه المهم انا اساسا اترعبت لما شوفت الفيلم
لاني تخيلت ان الحاله دي حصلت عندنا وتخيلت امكانياتنا ساعتها ودلوقتي كمان ممكن تسعفنا ولا لا وقمة النظام في مواجهة الحاله دي اللى ظهرت في الفيلم
طبعا منسيتش انه فيلم لكن للاسف تذكرته الان لانه مش بعيد يحصل كده طبعا ربنا يسلم .. الفيلم كانوا بيبحثوا عن القرد عشان ياخده منه العلاج .. مابالك بمرض ملوش علاج اساسا يعني اللى بيصاب بيه بيتكل على الله
قرار اعدام الخنازير تقريبا هو افضل قرار صدر من مؤسسة الرئاسه طوال فترة حكم مبارك وربنا يسهل ويتنفذ ..
للاسف بعد الاسئلة التى طرحت عقب التحدث عن التعويضات لاصحاب الخنازير وقصة احتمال فساد بعض المؤسسات فيها - قصة الدكتور البيطري - وحكاية الفريق الطبي
اقدر اقول ان مفيش نظام في مصر البلد بايظة بايظة بايظة والدليل ان الناس مش واثقه في النظام لانها كالعاده لما طرح موضوع التعويضات قالت المرة دي تعويضات عشان امريكا ضاغطة على مصر عشان تحمي المسيحيين ..
ولما طرح موضوع فساد بعض المسئولين المحتمل انه يزور ويقدم ورق يثبت لنفسه بيه تعويض بانه كان يمتلك خنازير ..
تفتكروا ده منظر بلد ممكن يواجه مرض زي ده او وباء زي ده
ربنا يسلم
سقراط
ردحذفمبروك العوده للكتابه وللبوست الجديد
بالنسبه للخطوات الحكوميه وان كنا لا
نثق بنجاحها لاكن لابد ان نحاول فيها
وبالنسبه للمسيحيين لا بيكلوها ولاتسب
لهم اى شىء. ونحن نعلم ان الححكومه لا
تعوض والعوض غلى الله..
تحياتى
الاخ الفاضل سقراط هذه اول زيارة لمدونتك وانشاء الله لن تكون الاخيرة ام بالنسبة لوضوع اعدام الخنازير فالحكومة تطلب من كل مربى خنازير ان يدفع 15 جنيه عن كل خنزير يذبح حتى يستطيع ان يحصل على لحم الخنزبر كاملا وناهيك عن الذى سوف يحصل بعد ذلك فسوف تباع هذه اللحوم مفرومة لكل المحلات التى تبيع الهامبورجر وخلافة ولكل المصانع التى تستخدم اللحوم المفرومة وكل يا شعب مصر وادعى للحكومة العبقرية ربنا يخرب بيتها قول آمين... وآسف ان كنت اطلت فالموضوع فى غاية الخطورة وانا ادعوك لزيارة مدونتى والى اللقاء ..
ردحذفالصديقة العزيزة سعاد
ردحذفلن امل من قول ان زيارتك لي تسعدني
اما عن اخواني المسيحيين فالاغلبية لا تاكل لحمم الخنزير وعلمت مؤخرا ان البابا شنودة افتى بان لحم الخنزير حرام وبغض النظر عن كل ذلك حتى لو كان حلال بالنسبه للبعض الاخر فهذا الوقت يستوجب العمل بقاعدة الضرورات تبيح المحظورات فلابد فعلا بعمل شي للوقاية من هذا الوباء وكلنا امل ان يحدث شئ
شكرا على سعة صدرك
الاستاذ الفنان محمد فلفل
ردحذفاشرف بزيارتك هذه واتمنى ان تكون زيارة دائمة ودورية واتفق معك في كل ما طرحته وهذه المرة لن تكون ازمة لحم حمير بل ستكون لم خنزير ... ارجو التنويه ان الخنازير في مصر ليست مصابه وان ذلك الاجراء اجراء وقائي
والحكومة ملهاش ذنب لان كل الحكومات لانها شبه كل الحكومات اللى قبلها باستثناء حكومة او اتنين لكن القصه كلها في اللى بيختار الحكومة كل مرة وهو الرئيس لذلك ينبغى علينا ان نخرج الى صندوق الانتخاب ونختار من يخاف على هذا الشعب ويراعي الله في هذا البلد المقدس - مصر -