الصدمة والرعب

بسم الله الرحمن الرحيم

هذا هو اسم العملية الاسرائيلية على قطاع غزة مش على حماس والمقاومة .. على قطاع غزة ...
كل حاجه بتكرر .. في حرب لبنان 2006 كانت عملية امطار الصيف
قصف قصف قصف .... وبعد اسبوع اجتياح بري ....
اللى حصل ان الاف من اللبنانيون ماتوا .....
وتنديدات بان حزب لله هو الغلطان لانه ببساطه حركة مقاومة ...
مينفعش يبقى خاين زينا ... المفروض انه يسكت على اسرائيل ...
ويسيب اسراه عندها ... ولما تخترق المجال الجوي اللبناني برضه يسكت ...
وميصدقش العلم اللى اسرائيل حاطاه على الكنيست ان دولة اسرائيل من النيل للفرات ..

حصل الاجتياح البري ... وتصدت المقاومة ونجحت في حربها الدفاعية واسرائيل ما نفذتش ولا هدف من اهداف الحرب ...طلعوا يقولوا ان حزب الله جلب الخسائر للبنان ..

طلعوا الاسرائيلين وقالوا لقد ابلغنا دولا عربية بما سنقوم به وما طلعتش ولا دولة عربية تنفي الكلام الاسرائيلي
يعني كانوا عارفين ..

خلصت الحرب واسرائيل ما حققتش ولا هدف يعني خسرت الحرب ... وكمان عملوا لجنة فينوغراد لتقصي الحقائق حول الفشل الذريع للجيش في الحرب ...

ورغم ذلك العرب مش مصدقين وبيقولوا لغاية دلوقتي ان حزب الله هو السبب ...


كل ده بيحصل دلوقتي وحصل في غزة ...

بالظبط ابلاغ الدول العربية بالعدوان قبلها ...
قصف قصف قصف لحين الاجتياح ...
اجتياح بدري .. اول خبر فيه مقتل .. خمس جنود اسرائيلين من اولها كده في الاشتباكات ...

والدول العربية بتقول حماس هي اللى جرتنا لحرب وهي اللى لازم تضبط نفسها ...
نصرالله يطلع ويقول المصريين لازم يفتحوا المعبر وينزلوا للشارع يفتحوا المعبر ..
ويقولك طب ما يورينا صواريخه ....
وهما هما اللى قالوا ان حزب الله جر لبنان لحرب غير متكافئة وانه وانه وانه ...
عايزينه يحارب دلوقتي ...
وهو كمان قال المصريين يفتحوا المعبر ماقالش يحاربوا على المعبر ولا يحاربوا في القطاع ..

وبعدين القانون الدولي بيجبرنا اننا نفتح الحدود مع الدولة اللى بتتقطع جمبنا دي بغض النظر عن عقيدة الدولة دي او جنسيتها او او او ...

كل حاجه بتكرر حتى حيرتي ودموعي وبكائي ويأسي المؤقت ....
بحثا عن الحق ..اللى الناس بتوهنا عنه..
حتى حيرتنا كلنا ...
طب حماس فعلا متهورة
ولا هي عامله تهدئة وفي نفس الوقت القطاع برضه محاصر محدش متحرك لفك الحصار ..
طب تسلم السلطة .. طب ايه اللى يخلي ابو مازن العميل الخائن يشيلها بدون سند قانوني حتى ما بالك مفيش سند شعبي ..
طيب نصرالله ده شيعي ... دول بيقتلوا في العراق والمذابح شغالة ...
النظام السوري اللى بيدعم المقاومة الفلسطينية ماهو نظام استبدادي اكتر من مصر كمان ..
طيب الشعوب العربية دي اللى بتتظاهر بالالاف عشان غزة طيب ما تتظاهر عشان الظلم اللى عايشه فيه وتقلب الحكم على راس الزفت مبارك ده ..
وبعدين ...
كل مرة هانتحط في الحسابات دي
اللى احنا مالناش ذنب فيها
احنا اتولدنا وجينا على الدنيا لقينا كل ده
ما اخترناش قبل ما نتولد اننا نكون في دولة ايه او في صراع ايه
او مين هايحكمنا او او او

مش عارف انا وحدي ولا في غيري من الشباب المصري والعربي والسلم يمكن مشغول باللى بيحصل ومحتار وبيبكي على نفسه وقدرة واخوانه وحكامه وبلده وشعبه ...

يارب ثبتنا وانصرنا وارنا الحق حق وارزقنا اتباعه وارنا الباطل باطل وارزقنا اجتنابه ...